Azadiya Welat
Yargitaya 9’in a Cezaya Giran semede ke vat bi ‘qetilkare Dînkî rexistina bi çekin ne, semedeke sûc bikere ra rexistineke viraştey’ ra rayna doz amebi akerdiş û doz ame vınayiş.
Vere daraznayişî embazey Hirant Dînkî veng day hukûmatî û vatîy: “Şima qetilkarey Dînk û gumanbarey ey ma ra weştirey şinasney û zaney.” Doza ke Dadgeha 14’in ya Giran de rayna ame vînayiş. Embazey Dînkî semede daraznayişî dadgehî ver de aşkerayî day û ardîy ziwan ke qetilkarîy heme belîye û pankarta; “Biraye ma Dînk dijî faşîzmî bi înat tekoşîn da”, “Musamereyî verade qetilkarey esil tepeşe”, “Ewro zî do zereye darazî bişero?” akerdîy.
Dovîzan ser de zî vvina nuştbîy: “Ye qetilkara paweney zane kamî qetil kerdo”, “Ma heme Hirant ey ma heme ermenî ye”, “Faşîst dano piro AKP paweno.” Embazan ard vîr ke 7 serrîy raveray la hewna zî qetilkarey esil nevete meydanî û waştî ke hukûmat û dewlete ney mijarî zelal bikero.
Waştî ke wa qirkerdişîy hinî nebe. Çimkî kam ke qetilkarî keno ra rütbe daney.